Вось што распавяла намеснік дырэктара па выхаваўчай рабоце Смілавіцкай СШ №2 Наталля Чэрнік: «Палкоўнік А.Е.Корзун вёў з хлопцамі размовe аб сучаснай беларускай арміі, воінскай службе, інфармацыйнай бяспецы, гатоўнасці да выканання грамадзянскага абавязку і канстытуцыйных абавязкаў па абароне Радзімы».
Лейтматывам сустрэчы школьнікаў і афіцэра Узброеных Сіл сталі словы Прэзідэнта Рэспублікі Беларусь: «...ў свеце павінны ведаць, што і сёння мы гатовы абараніць сваю зямлю, свае сем'і, сваю незалежнасць. Павышэнню абараназдольнасці дзяржавы і далей мы будзем надаваць першарадную ўвагу. Порах трэба трымаць сухім - гэта аксіёма, наша гісторыя, нашы ўрокі і памылкі».
Смілавіцкай моладзі ёсць з каго браць прыклад, бо іх зямля дала свету шмат годных людзей. У тым ліку гэта землякі-вайскоўцы, сустрэчы з якімі рэгулярна праходзяць у мясцовай СШ №2.
Наталля КАРАЛЬКЕВІЧ. Фота Наталлі Чэрнік
Карта сайта