Выніковая калегія праходзіла 25 лютага ў Барысаве. Падчас мерапрыемства адбылося ўзнагароджанне пераможцаў і лаўрэатаў штогадовага абласнога конкурсу «За дасягненне высокіх паказчыкаў у развіцці адукацыі» ў розных намінацыях.
Другі год запар Смілавіцкі ліцэй займае першае месца сярод усіх прафесійных ліцэяў Мінскай вобласці!
Першыя месцы на абласных этапах IV Рэспубліканскага конкурсу прафесійнага майстэрства «WorldSkills Belarus 2020» у дзвюх намінацыях, першыя месцы ў спорце, турызме, рацыяналізатарстве, зладжаная праца калектыву, адміністрацыі і навучэнцаў – вось складнікі поспеху, якія назваў дырэктар ліцэя Юрый КОРСІК.
Выступаючы са сцэны на калегіі перад яе ўдзельнікамі, ён запэўніў, што і далей ліцэй будзе рухацца толькі адной дарогай: наперад!
Віншуем педагогаў, кіраўніцтва і навучэнцаў ліцэя і жадаем новых поспехаў!
Наталля КАРАЛЬКЕВІЧ. Фота Іны ЕРЫКАВАЙ
Карта сайта