Чэрвеньскі раённы выканаўчы камітэт

У апошні дзень фестывалю прайшоў агляд-конкурс каманд падтрымкі «Піянерскія іскры».

25 каманд з 20 раёнаў Мінскай вобласці прадставілі на конкурс танцавальна-спартыўныя праграмы, якія суправаджаліся скандаваннем лозунгаў, прамовак, дэвізаў, крычалак ідэалагічнай і патрыятычнай накіраванасці. Наш раён прадстаўляла каманда «Іскрынкі» Цэнтра творчасці дзяцей і моладзі ім. Х. Суціна г. п. Смілавічы ва ўзроставай катэгорыі 7-10 гадоў. На такім конкурсе нашы маленькія «іскрынкі» былі ўпершыню. Да прызавога месца ім пакуль не хапіла вопыту, але яны з гонарам і годнасцю прадставілі Чэрвеньскі раён.

Чэрвеньскі раённы савет грамадскага аб'яднання «Беларуская рэспубліканская піянерская арганізацыя» (РС ГА «БРПА») дзякуе камандзе-удзельніцы, якія прадставілі Чэрвеньскі раён на фестывалі «Агеньчык запрашае сяброў!» - каманду «Васількі» (намінацыя «Сцяг-шоу») і каманду «Іскрынкі» (намінацыя «Піянерскія іскры»), а таксама іх кіраўнікоў – педагогаў дадатковай адукацыі Яніну Чмару і Маргарыту Багамазаву за якасную падрыхтоўку, творчы падыход і яркае выступленне!

Наперад да новых перамог!

Анастасія РУНЦО, старшыня Чэрвеньскага РС ГА «БРПА».

Фота аўтара