Дырэктар гаспадаркі Алена Махнач ганарыцца камандай спецыялістаў, якія па падраздзяленнях разам з рабочымі забяспечваюць выкананне заданняў.
Агульная плошча сельгасугоддзяў сельгаспрадпрыемства - 7232 га, ворыва - 3380 га. Бал сельгасугоддзяў - 31,6, раллі - 33,4. У раслінаводстве асноўнымі відамі таварнай прадукцыі з'яўляюцца: элітнае насенне збожжавых і зернебабовых культур, бульба, насенне рапсу. У жывёлагадоўчай галіны - малако, мяса буйной рагатай жывёлы. Акрамя гэтага, у гаспадарцы аказваюцца паслугі сельгастэхнікі і транспартныя паслугі.
Вытворчая база прадпрыемства ўключае ў сябе 2 малочнатаварныя фермы, 2 фермы па адкорме буйной рагатай жывёлы і 3 фермы па вырошчваннi буйной рагатай жывёлы, сучасны зернесушыльны комплекс СЗК-30, з прывязкай да яго збожжасховішча сіласнага тыпу умяшчальнасцю 5000 тон, 2 бульбасховішча, абсталяваных нямецкім мікракліматам Gaugele. Парк тэхнікі налічвае 7 збожжаўборачных камбайнаў, 3 кормаўборачныя камбайны, 25 трактароў, 14 грузавых аўтамабіляў. Маецца спецтэхніка.
У структуры раённай вытворчасці валавой прадукцыі сельскай гаспадаркі прадпрыемства займае 15,7%. Колькасць буйной рагатай жывёлы склала 4886 галавы, у тым ліку кароў - 1700 галоў.
Прадукцыя прадпрыемства ў асноўным рэалізуецца на наступныя перапрацоўчыя прадпрыемствы:
- ААТ «Здравушка-Мілк»;
- ААТ «Барысаўскі мясакамбінат»;
- ААТ «Мінскі мясакамбінат»;
- ААТ «Мінскі КХП»;
На прадпрыемстве працуюць 296 чалавек.
Дзяржаўнае прадпрыемства «Эксперыментальная база «Натальеўск» размешчана на тэрыторыі Калежскага сельскага Савета. Асноўная вытворчасць размешчана ў аграгарадку Любiшына, дзе ёсць развітая інфраструктура: дзіцячы сад, Дом культуры, бібліятэка, фельчарска-акушэрскі пункт, магазін, аддзяленне паштовай сувязі, аддзяленне ААТ «АСБ Беларусбанк».
Галіна Гамеза. Фота аўтара
Карта сайта