Капітанам нашай міні-каманды стала супрацоўнік аддзела маркетынгу Алена Грынько, кампанію ёй склала бухгалтар Таццяна Берасневіч.
Каманда вытворча-харчовага завода папоўнілася шматдзетнай мамай Надзеяй Ігнатовіч і яе дачушкай-школьніцай, самай юнай удзельніцай ад Чэрвеня. Алена Грынько - колішняя спартсменка, і забег «Б'юці ран-2020» для яе не першы. Лена пастаянна бярэ ўдзел у такіх спаборніцтвах, у тым ліку дабрачынных.
На гэты раз дзяўчына абрала дыстанцыю два кіламетры. Каманда Лены назвалася «Чэрвеньская пантэрка». Забег праходзіў у цэнтры Мінска, па праспекце Незалежнасці. Бегла каля пяці тысяч прыгажунь з васьмідзесяці пяці гарадоў Беларусі. Таксама было прадстаўлена блізкае і далёкае замежжа: Расія, Украіна, Венгрыя, Грузія, Ізраіль і Швецыя.
Амаль усе ўдзельнікі сур'ёзна збянтэжыліся знешнім выглядам і касцюмамі: былі бягухі ў сацінавых спадніцах над ласінамi, яркіх боды для аэробікі ў духу васьмідзесятых, стылізаваных строях розных мульт- і кіна-персанажаў. Многія спартсменкі беглі за руку з дзецьмі, некаторыя надзелі марлевыя павязкі і нават... супрацьгазы! На гэтым фоне наша каманда ў выглядзе катоў і пантэр зусім арганічна ўпісалася ў агульную крэатыўную карціну.
Свой забег «Чэрвеньская пантэрка» прысвяцілі сваім родным і калегам. «Такім чынам мы павіншавалі мам, бабуль, сясцёр, дзяцей, сябровак і жанчын-калег с 8 сакавiка», - сказала Алена Грынько.
Акрамя «пантэрак», у «Б'юці ран» бегла яшчэ адна чэрвеньская ўдзельніца, шматдзетная маці Яўгенія Куршакова.
Праграму вёў вядомы беларускі эстрадны выканаўца Саша Нэма. Усе ўдзельніцы, незалежна ад паказанага выніку, на фінішы атрымалі медаль ўдзельніка і кветкі.
Наталля Каралькевіч. Фота Алены Грынько
Карта сайта