Як распавяла «Раённаму весніку» намеснік дырэктара лясгаса па ідэалагічнай рабоце Жанна Чарнавец, звязана гэта з неабходнасцю прыняцця своечасовых мер рэагавання на пажаранебяспечную абстаноўку ў лясах.
Існуе шэраг прычын, з-за якіх узнікаюць лясныя пажары. Гэта можа быць разрад маланкі ці самазагаранне тарфянікаў. Але часцей за ўсё бяду прыносіць у лес чалавек. Ён разводзіць вогнішчы, спальвае смецце каля дрэваў, парушае правілы пажарнай бяспекі пры нарыхтоўцы лесу, выпальвае траву на сенажацях і пашах.
Між тым, згодна з дзеючым заканадаўствам, выпальванне сухой расліннасці або непрыняцце мер па ліквідацыі яе выпальвання караецца штрафам у памеры ад 10 да 50 базавых велічынь.
«Грэбаванне існуючымі правіламі - гэта прамая пагроза здароўю людзей, жывой прыродзе і бяспецы нашай краіны», - лічыць Жанна Чарнавец.
Карта сайта