На ўрачыстым канцэрце вучні Смілавіцкай дзіцячай школы мастацтваў выступалі для любімых мам, бабуль і ўсіх гасцей. У выкананні нашых таленавітых вучняў прагучалі сольныя творы на баяне, домры. Прадоўжылі канцэрт вакалісты, ансамбль скрыпачоў, змешаны па саставу інструментальны ансамбль школы.
Прагучалі і класічныя творы, і народныя мелодыі, і п'есы сучасных кампазітараў - пра мам і бабуль, пра сяброўства, школу. Упрыгожылі канцэрт выдатныя нумары вучняў харэаграфічнага класа - танцы «Вяснушкі», «Танец зебрыка», «Хуліганіць».
Для вучняў нашай школы мастацтваў выступаць у такім выдатным абноўленым зале - і гонар, і свята. Запрошаным гасцям і, вядома, бацькам школьнікаў надоўга запомніцца панаваўшая ў зале атмасфера чараўніцтва і сапраўднага мастацтва.
І, вядома, на памяць атрымаліся выдатныя фатаграфіі.
Ірына Цеван, настаўнік Смілавіцкай ДШМ. Фота аўтара
Карта сайта