Міністр адукацыі Ігар Карпенка далажыў Прэзідэнту Беларусі Аляксандру Лукашэнку аб сітуацыі, сабраўшы папярэдне думкі і звароты бацькоў вучняў. Канчатковае рашэнне прынята - канікулы будуць падоўжаныя на тыдзень.
Міністэрства адукацыі інфармуе, што тэрмін вясновых канікул працягваецца на 6 дзён - з 6 па 11 красавіка ўключна. Адукацыйны працэс у чацвёртай чвэрці будзе ажыццяўляцца з 13 красавіка па 30 мая 2020 года.
Як паведамлялася БЕЛТА, напярэдадні ў час размовы з прадстаўнікамі СМІ Аляксандр Лукашэнка паведаміў, што, хутчэй за ўсё, прыме рашэнне аб працягу вясновых школьных канікул. «Я ў гэтай сітуацыі сам знаходжуся, як бацька. І я лічу, што патрабаванні падоўжыць канікулы з боку бацькоў, медыцыны - гэта няправільна. Але калісцi я сказаў, што мы не будзем пераважаць над бацькамі. Гэта іх дзеці, іх жыццё. І як яны прымуць рашэнне ў гэтым каронапсiхозе, так і будзе. Таму я катэгарычна супраць, я не згодны, што трэба дзіцяці выключыць з дзіцячага садка ці школы, падоўжыўшы канікулы. Але калі паабяцаў, што будзе так, як просяць бацькі, так і будзе», - падкрэсліў кіраўнік дзяржавы.
«Хутчэй за ўсё, мы працягнем на тыдзень канікулы. Выключна таму, што гэтага хочуць бацькі і не ўсе адпускаюць дзяцей у школу ў гэты перыяд. Я разумею бацькоў. Тут здаровы чалавек без дзяцей захварэе ад таго, што адбываецца вакол», - дадаў Аляксандр Лукашэнка 3 красавіка падчас размовы з журналістамі.
Карта сайта