Нядаўна раённая арганізацыя Беларускага саюза жанчын перадала партыю пальчатак ў тэрытарыяльны Цэнтр сацыяльнага абслугоўвання насельніцтва ў рамках акцыі «Марафон падтрымкі».
Невялікі па аб'ёме, але вельмі важны па значэнні груз прывезла ў Цэнтр намеснік старшыні раённай арганізацыі БСЖ Алена Калтовіч.
Як распавяла дырэктар Цэнтра сацыяльнага абслугоўвання насельніцтва Людміла Шаркова, сёння любая дапамога вельмі каштоўная для супрацоўнікаў ЦСАН, і вельмі прыемна, што грамадства з разуменнем ставіцца да патрэб тых, хто па абавязку службы не можа сысці ў самаізаляцыю, таму што кожны дзень дапамагае самым неабароненым: «Нашы работнікі пастаянна кантактуюць з мноствам людзей, і сродкі для абароны жыццёва неабходныя. Таму мы ўдзячныя Беларускаму саюзу жанчын за ўвагу да нас».
Людміла Генадзьеўна адзначыла, што Цэнтру дапамагаюць сродкамі абароны і іншыя арганізацыі, установы і прыватныя фірмы. Хтосці прывозіць пальчаткі, хтосці - маскі, у тым ліку і пашытыя ўласнымі рукамі. На жаль, усе ахоўныя сродкі маюць адзін недахоп - яны даволі хутка расходуюцца. Таму вельмі важна, каб патокі дапамогі былі б хай і невялікія, як той казаў, «з міру па нітцы», але пастаянныя. Бо тыя, каму мы дапамаглі сёння, дапамагаюць іншым кожны дзень.
Любы жадаючы, як арганізацыя, так і частая асоба, можа паўдзельнічаць у дабрачыннай акцыі «Марафон падтрымкі». Адкрыты асобны дабрачынны рахунак:
ГРАМАДСКАЕ АБ'ЯДНАННЕ «БЕЛАРУСКІ САЮЗ ЖАНЧЫН»
УНП 100094859
BY06AKBB31350000001100000000
у ААТ «АСБ БЕЛАРУСБАНК»,
BIK AKBBBY2X
Сродкі з гэтага рахунку пойдуць на дапамогу медыкам, кругласутачна знаходзячымся на працоўных месцах; пацыентам бальніц сястрынскага догляду; медперсаналу інтэрнатаў. Будуць вырабляцца закупкі для перадачы ў медустановы і сем'ям медработнікаў. Гэтая праца будзе ажыццяўляцца ў тым ліку ва ўзаемасувязі з Міністэрствам аховы здароўя.
Фізічныя асобы могуць карыстацца сістэмай АРІП/дабрачыннасць, грамадскія аб'яднанні/жаночыя грамадскія аб'яднанні/Беларускі саюз жанчын/дабрачынны ўнёсак. Далей у радках ўвесці прозвішча, імя і суму ўнёску.
Наталля КАРАЛЬКЕВІЧ. Фота Людмілы Шарковай
Карта сайта