Пра гэта сёння на пасяджэнні Палаты прадстаўнікоў заявіў яе старшыня Уладзімір Андрэйчанка, перадае карэспандэнт БЕЛТА.
Спікер падкрэсліў, што асаблівы клопат дэпутатаў - аказанне садзейнічання ў вырашэнні эканамічных праблем акругі. «Неабходнасць выканання асноўных паказчыкаў эканамічнага развіцця ніхто не адмяняў. Дэпутаты павінны падключыцца да рэалізацыі ўказа, які змяшчае пакет мер па падтрымцы галін і прадпрымальнікаў», - сказаў ён.
Каранавірус ўносіць карэктывы ў жыццё грамадства. «І ў гэтай сітуацыі дэпутаты павінны сканцэнтраваць сваю ўвагу на дапамозе насельніцтву, перш за ўсё пажылым і адзінокім людзям, інвалідам, - дадаў Уладзімір Андрэйчанка. - З асаблівай адказнасцю і ўвагай трэба падысці і да працы з іншымі катэгорыямі грамадзян. Бо на першым месцы - жыццё і здароўе людзей».
Старшыня Палаты прадстаўнікоў лічыць неабходным працягнуць дабрачынныя акцыі па падтрымцы лекараў, інтэрнаў, студэнтаў-медыкаў. Дзякуючы іх самаахвярнасці сітуацыю з каранавiрусам ў краіне атрымоўваецца трымаць пад кантролем. «Але расслабляцца, зразумела, нельга. Кожны, хто можа ўнесці ўклад у агульную справу, павінен гэта зрабіць. Бо стрымліванне эпідэміі сёння стала, па сутнасці, галоўным кірункам сумеснай дзейнасці дзяржавы і грамадства», - падсумаваў спікер.
Карта сайта