Але разам з гэтым, купанне, якое дастаўляе дзецям столькі задавальнення, можа быць вельмі небяспечным!
Вада не даруе бестурботнасці. Перавярнуўшаяся лодка можа стаць прычынай гібелі адразу некалькіх чалавек. Што ж зрабіць, каб паход да вадаёма не скончыўся трагедыяй і жудаснымі ўспамінамі на ўсё жыццё?
Асаблівую ўвагу на вадаёме трэба надаваць дзецям. Адпраўляючыся з дзеткамі на адпачынак, растлумачце ім, як паводзіць сябе, каб не патрапіць у бяду. Не выпускайце іх з-пад увагі - заўсёды будзьце напагатове, бо дапамога можа спатрэбіцца малому ў любы момант. Маленькіх дзяцей трэба трымаць ад сябе на адлегласці выцягнутай рукі, бо ім досыць зусім няшмат часу, каб захлынуцца.
Не дазваляйце дзецям ныраць з агародж або берага і старайцеся спыняць свавольствы на вадзе. Не дапускайце пераахаладжэння - чаргуйце гульні на беразе з купаннем. Абавязкова растлумачце вашым дзецям, што іх бяспека залежыць ад іх жа, таму трэба быць асцярожнымі і выконваць пэўныя правілы. Папярэдзьце, што плаваць можна толькі ў спецыяльна абсталяваных месцах, недалёка ад берага. Растлумачце дзіцяці, што не варта выхваляцца перад сябрамі уменнем плаваць і ладзіць спаборніцтвы. Раскажыце пра небяспеку гульняў на вадзе: нельга хапаць за ногі, «тапіць», падаваць ілжывыя сігналы аб дапамозе. Навучыце дзіцяці, што калі хтосцi тоне, то трэба выклікаць ратавальнікаў па тэлефоне 101 або 112.
Не забывайце і пра тое, што дзіця бярэ прыклад менавіта з вас, таму ў першую чаргу строга выконвайце правілы паводзін на вадзе самі!
Чэрвеньскі РАНС
Карта сайта