Стан ўмоў працы, арганізацыя харчавання, санітарна-бытавое і медыка-санітарны абслугоўванне сельскагаспадарчых работнікаў, занятых пры правядзенні веснавых палявых работ, знаходзіцца на пастаянным кантролі санітарна-эпідэміялагічнай службы. Да пачатку масавых палявых работ на тэрыторыі Чэрвеньскага раёна спецыялістамі цэнтра гігіены і эпідэміялогіі праведзены навучальныя семінары, рабочыя нарады са службовымі асобамі сельскагаспадарчых арганізацый па пытаннях санітарна-бытавога забеспячэння працуючых, арганізацыі харчавання, выканання правілаў асабістай гігіены, пітнога рэжыму, своечасовага праходжання абавязковых медыцынскіх аглядаў працуючых.
Своечасовае і якаснае правядзенне масавых палявых работ шмат у чым залежыць ад рэалізацыі кіраўніцтвам прадпрыемстваў мерапрыемстваў па забеспячэнню належных умоў і аховы працы на рабочых месцах, стварэнню неабходных санітарна-бытавых умоў, забеспячэнню працуючых гарачым харчаваннем і пітной вадой.
У мэтах мінімізацыі рызыкі ўзнікнення і распаўсюджвання вострай рэспіраторнай інфекцыі, у тым ліку новай каранавiруснай інфекцыі сярод працуючых аграпрамысловага комплексу, звяртаем увагу на працяг працы на прадпрыемствах (у арганізацыях) па выкананні санітарна-гігіенічных, супрацьэпідэмічных і дэзінфекцыйных мерапрыемстваў, кантролю стану здароўя працуючых.
Пры ўваходзе на прадпрыемства (арганiзацыю), на інфармацыйных стэндах рэкамендуецца размясціць памяткі для работнікаў па прафілактыцы вострых рэспіраторных інфекцый, уключаючы рэжым мыцця рук і апрацоўку скурнымі антысептыкамі на працягу працоўнага дня пасля кожнага наведвання туалета, перад кожным прыёмам ежы, выкарыстанне сродкаў індывідуальнай абароны.
Мэтазгодна арганізаваць дастаўку работнікаў да працы на карпаратыўным транспарце прадпрыемства (арганізацыі), правядзенне яго ветрання, вільготнай уборкі з выкарыстаннем дэзінфекцыйных сродкаў, у тым ліку апрацоўцы ўсіх паверхняў салона аўтатранспартнага сродку па заканчэнні працоўнай змены.
Перад пачаткам працоўнай змены павінен быць арганізаваны «ўваходны фільтр» працаўнікоў з вымярэннем тэмпературы цела. Пры выяўленні сімптомаў рэспіраторных захворванняў і тэмпературы 37ºС і вышэй работнікі адхіляюцца ад працы.
Павінен быць арганізаваны кантроль за забеспячэннем работнікаў сродкамі індывідуальнай абароны (маскі, пальчаткі) і іх выкарыстаннем.
Штодня (кожную змену) праводзіцца вільготная ўборка службовых памяшканняў і месцаў агульнага карыстання (пакоі прыёму ежы, адпачынку, туалетныя пакоі) з выкарыстаннем дэзінфекцыйных сродкаў і іх ветранне (кожныя 2 гадзіны).
Прадугледжана абмежаванне доступу на прадпрыемства (у арганізацыю) асоб, не звязаных з яго дзейнасцю, за выключэннем работ, звязаных з вытворчымі працэсамі (рамонт і абслугоўванне тэхналагічнага абсталявання).
У месцах агульнага карыстання абсталёўваюцца рукамыйніцы для мыцця рук з мылам і дазатарамі з антысептыкам для апрацоўкі рук.
Пры цэнтралізаваным харчаванні работнікаў арганізацыя наведвання сталовай калектывамі праводзіцца па зацверджаным графіку ў вызначаны час. Пры адсутнасці сталовай для прыёму ежы вылучаецца спецыяльна адведзенае памяшканне (частка памяшкання) з абсталяванай ракавінай для мыцця рук і дазатарам з скурным антысептыкам.
Работнікі прадпрыемстваў (арганізацый) павінны быць забяспечаны пітной вадой (устаноўка кулераў, бутэляваная пітная вада, дастатковай колькасцю аднаразовых шкляначак).
Вентыляцыйныя сістэмы павінны быць у спраўным стане і з аформленымі пашпартамі.
Тэрыторыя прадпрыемстваў (арганізацый) павінна ўтрымлівацца ў належным санітарным стане і добраўпарадкавана, арганізаваны збор і вываз адходаў вытворчасці і спажывання.
Правядзенне комплексу прафілактычных мер дасць магчымасць прадухіліць занос і распаўсюджванне рэспіраторных інфекцый сярод працуючых прадпрыемстваў (арганiзацый).
ГУ «Чэрвеньскі РЦГiЭ», 2020 г.
Карта сайта