Часам міжволі залюбуешся тым, якія прыгожыя кветкавыя клумбы і кампазіцыі ствараюць іх клапатлівыя рукі.
Праязджаючы міма сектара фальклору і традыцыйнай культуры вёскі Горкаўская Слабада, не магла не сфатаграфаваць клумбы, створаныя яе работнікамі. Хочацца, каб і іншыя жыхары раёна іх убачылі. А дзяцей прыцягвае маляўнічы млын і іншыя кветкавыя кампазіцыі.
А наогул работнікі гэтай установы культуры - загадчык сектара Таццяна Савонава, метадыст Ірына Маркушэўская і бібліятэкар Святлана Вайцяховіч багатыя на выдумкі: не толькі на тэрыторыі ўстановы заўсёды парадак і прыгажосць, але ў памяшканні абнаўляюцца падборкі выстаў, праводзяцца тэматычныя мерапрыемствы. Сюды з задавальненнем прыходзяць і дзеці, і дарослыя.
Таццяна Марцьянава.
Фота аўтара
Карта сайта