Прыкладна так і атрымалася ў спартсменаў клуба «Святагоръ»: вырашыўшы заладзіць сцены пасля замены батарэй, хлопцы трохі нечакана для сябе... цалкам адрамантавалі спартзалу.
У спартыўнай зале будаўнічага ліцэя, дзе трэніруюцца тай-баксёры, у ходзе агульнага рамонту памянялі дзверы і батарэі. Трэніравацца паралельна рамонту было нельга: пыл, будаўнічае смецце, наяўнасць працоўных, у рэшце рэшт - усё гэта, пагадзіцеся, крыху перашкаджае адпрацоўваць ўдары і прыёмы. Таму трэніроўкі адмянілі. Дарэчы, хлопцы ўвесь гэты час падтрымлівалі фізічную форму самастойна.
Першым далучыўся да рамонту трэнер Сяргей Сярак. Ён вырашыў скарыстацца магчымасцю выканаць свой даўні план: надтачыць гімнастычны станок. З дапамогай зваркі трэнажор перарабілі і прымацавалі да сцяны. Затым паглядзець, як рухаецца справа, прыехаў галоўны трэнер Яўген Дабратворскі і хлопцы з мiнскага клуба «Кiкфайтэр». Збіраліся правесці трэніроўку, але вырашылі падрамантаваць частку сцяны: заладзіць месца, дзе прымацаваны новыя радыятары ацяплення. У выніку пафарбавалі спачатку адну сцяну цалкам, потым другую. Вольга Жураўская ўзгадала, што, як і ў Сяргея Серака, у яе была даўняя мара: мастацка аформіць адну сцяну, як у сапраўдным клубе. У выніку Оля цалкам рэалізавала задуманае. Усе матэрыялы - фарбу, колеры, пэндзлікі, валікі, - спартсмены купілі самі. Дадаткова павесілі люстэрка, бо вельмі важна бачыць, якія памылкі здзяйсняеш падчас адпрацоўкі удараў. Да таго ж і прастора вузкай залы візуальна пашырылася. Затым памянялі мацюкі пад брызентам: на ранейшых, упартымі трэніроўкамі працёртых да дзірак, часам было некамфортна займацца. Зараз насціл роўны і мяккі, адпрацоўваць падзення можна без страху стукнуцца.
Пасля ўсіх гэтых мерапрыемстваў спартсмены адчулі, што ў зале з'явілася зусім іншая атмасфера. Усё тут проста заклікае да трэніровак, да ўпартасці, самааддачы, усім хочацца як мага хутчэй зноў пачаць займацца, каб дамагацца новых высокіх вынікаў.
Пра свой удзел у рамонце распавяла Вольга Жураўская: «У гэты перыяд я як раз яшчэ і здавала сесію! З-за каранавiруса яна праходзіла дыстанцыйна. Я рыхтавалася да іспытаў і адначасова пасля працы хадзіла ў залу фарбаваць сцены. Было трошкі складана, але асабліва цяжка было без саміх трэніровак! Калі ты за некалькі гадоў прывык да гэтага, і гэта частка твайго жыцця, то пры вымушаным перапынку без фізічнай актыўнасці даволі цяжка. Думаю, вартыя слоў вялікай падзякі хлопцы з «Кiкфайтэра», бо яны таксама прыклалі да гэтага рамонта шмат сіл».
Актыўна ўдзельнічалі ў працах трэнеры Яўген Дабратворскі і Сяргей Сярак. Дапамагала і частка дарослых спартсменаў з «Святагора». Зараз новенькая зіхатлівая зала чакае тай-баксёраў на трэніроўкі, якія аднавіліся на гэтым тыдні па звычайным раскладзе. Набор новых членаў клуба будзе ў верасні, хто марыць ўступіць - ёсць лета на тое, каб падкачацца.
Наталля КАРАЛЬКЕВІЧ. Фота Вольгі Жураўскай
Карта сайта