Сёння, з надыходам добрага надвор'я, прывезеныя сюды раней расліны былі пасаджаны агульнымі сіламі супрацоўнікаў карэкцыйнага цэнтра і навучэнцаў будаўнічага ліцэя.
Прахладны, але дажджлівы май даў магчымасць разрасціся пустазеллю і траве. Таму ўжо сёння адказныя гаспадары ўзяліся за касілкі, а гаспадынькi - за матыкі. Бо райкам БРСМ замацаваны за помнікам моладзі і камсамольцам Чэрвеньшчыны, хлопцы таксама, як сапраўдныя гаспадары, у першы ж дзень сонечнага чэрвеньскага надвор'я завялі касілку і прывялі ў парадак тэрыторыю помніка.
Пакуль хлопцы касілі, дзяўчынкі прапалолi кветнік.
А затым усе разам адправіліся садзіць дрэвы ў ЦКРiО. Там ліцэістаў ўжо чакалі супрацоўнікі цэнтра. Яны з самай раніцы пачалі працу. Паўдзельнічаў у пасадцы і старшыня Савета ветэранаў Іван Ладуцька, які некалькімі днямі раней пад праліўным дажджом курсіраваў па горадзе, збіраючы дзеля сваіх падапечных-пенсіянераў «перадачы» - пакеты з падоранымі цэнтру раслінамі. Пад яркім цёплым сонейкам разам сфатаграфаваліся ў пасаджаных вішань, хост і іншай расліннасці.
І, дарэчы, на вялікай, прыгожай і дагледжанай тэрыторыі ЦКРiО яшчэ шмат вольнага месца!..
Наталля КАРАЛЬКЕВІЧ. Фота аўтара
Карта сайта