Падчас пандэміі каранавiруса многім людзям патрабуецца дапамога валанцёраў. Наталля ўвайшла ў атрад добраахвотнікаў БРСМ, якія сумесна з іншымі дабрачыннымі арганізацыямі дастаўляюць прадукты пажылым людзям, выконваюць розныя даручэнні, звязаныя з наведваннем грамадскіх месцаў, распаўсюджваюць друкаваную прадукцыю з правіламі паводзін у час эпідэміі.
Напярэдадні Дня абароны дзяцей раённая арганізацыя Чырвонага Крыжа адгукнулася на заклік райкама БРСМ падтрымаць дзяцей з карэкцыйна-развіваючага цэнтра. Гэта дзеткі з асаблівасцямі развіцця, зараз яны знаходзяцца дома і не наведваюць заняткі, таму было вырашана адвезці ім да хаты падарункі, каб павіншаваць, даведацца, як справы, распытаць аб патрэбах і проста падняць настрой.
Любоў Джафарава распавяла, што Наталля Астаповіч - самы актыўны Валанцёр Чырвонага Крыжа ў Смілавіцкай зоне: «Яна выканала больш за ўсё заявак ад насельніцтва, гэта разумны спецыяліст, дакладна і хутка выконвае ўсе даручэнні. Прыемна адзначыць, што Наталлю заўсёды падтрымлівае кіраўніцтва каледжа».
У час наведвання дзетак карэкцыйнага цэнтра, як і ў іншых акцыях, з Наталляй працавалі і іншыя смілавіцкай валанцёры: Анастасія Мазуркевіч і Аляксей Юшко.
Наталля КАРАЛЬКЕВІЧ. Фота Любові ДЖАФАРАВАЙ
Карта сайта