Хлопцы і дзяўчаты, навучэнцы першага і другога курсаў, працавалі на будоўлі дзесяць дзён. У ліцэі яны вучацца аздобным, зварачным, сантэхнічным работам. Праз год-два атрымаюць дыпломы тынкоўшчыкаў, маляроў, абліцоўшчыкаў-плітачнікаў, сталяроў, электра-газазваршчыкаў, мантажнікаў санітарна-тэхнічнага абсталявання. А на будоўлі маглі на практыцы вывучыць кожны сваю спецыялізацыю, распытаць вопытных спецыялістаў, павучыцца ў майстроў, брыгадзіраў, рабочых.
Лепшым байцам студатрада «Ігумен» падарылі памятныя сувеніры ад БРСМ.
Як адзначыў старшы майстар ліцэя Мікалай САЛЫЧЫЦ, гэта была першая праца ліцэістаў на сапраўднай будоўлі: «Таму важна, каб яна запомнілася як момант карысны і прыемны. Вельмі добра, што знайшліся сродкі на хай і невялікія падарункі для заахвочвання самых працавітых»
Наталля КАРАЛЬКЕВІЧ. Фота аўтара
Карта сайта