А што пісаць - каранавiрус перашкодзіў ўсім гульням, нават алімпійскім. Але нарэшце прыйшла вестачка пра ЧГК: нашы суперскi згулялі на сiинхроне!
У невялікім інтэрв'ю кіраўнік клуба «Ігумен» Ірына Вабішчэвіч распавяла аб рабоце клуба ў складанай эпідсітуацыі.
- Ірына Іванаўна, многія мерапрыемствы ва ўсіх сферах адмяніліся яшчэ вясной. Як перанёс складанасці клуб і яго ўдзельнікі?
- Нягледзячы ні на што клуб працягваў сваю працу, проста многія мерапрыемствы перайшлі ў онлайн. І дарослыя, і дзеці вельмі перажывалі, што не змаглі вясной прыняць удзел у абласных і рэспубліканскіх турнірах, сустрэцца з сябрамі, атрымаць незабыўныя ўражанні, а яшчэ дыпломы, медалі і кубкі.
- Дзе ўсё-ткі атрымалася пагуляць?
- Улетку кіраўніцтва Беларускай лігі інтэлектуальных каманд сумесна з Міністэрствам адукацыі адважыліся на эксперыментальны Чэмпіянат Беларусі ў форме строгага сінхронна. 1 жніўня 34 лепшых каманды краіны сабраліся на 14 пляцоўках невялікімі групамі з захаваннем усіх супрацьэпідэмічных мер. Пытанні чыталіся ў запісе, і нават эмісары БЛІК атрымлівалі пароль толькі перад пачаткам чарговага тура, поўныя тэксты пытанняў былі толькі ў арганізатараў.
Наша каманда «Зорачка» паказала дзявяты вынік у Беларусі і другі ў вобласцi , саступіўшы 2 ачкі камандзе з Лагойска, але адыграўшы 4 ў Нясвіжа. І гэта годнае завяршэнне гульнявога сезону. Наш склад на сінхроне - Павел Барбук, Насця Дзегцярова, Даша Дзядзела, Ксюша Зыль, Аня Новікава.
Шкада, што Ксюша Місюра не змагла ўдзельнічаць, з ёй мы згулялі б яшчэ лепш!
- Як многія чэрвенцы, я сачу за поспехамі «Зорачкі». Калі не памыляюся, у іх у камандзе чатыры адзінаццацікласніца, у наступным годзе яны змогуць гуляць ужо ў студэнцкай лізе. А што будзе з астатнімі школьнікамі? Давядзецца ствараць новую каманду?
- На жаль, так. Гэта адбываецца штогод. Нашы выпускнікі не пакідаюць клуб, але пераходзяць на іншы ўзровень. А тыя, што засталіся школьнікі спрабуюць граць не горш студэнтаў, і гэта ім удаецца! Ужо 6 гадоў запар чэрвеньскія школьнікі ўдзельнічаюць у рэспубліканскім чэмпіянаце як самыя моцныя каманды краіны. Спадзяюся, што чэмпіянат 2021 года пройдзе ў звычайным фармаце, і нашы каманды зноў пакажуць годны вынік.
- Якія планы на астатак лета? Звычайна вашы выхаванцы ездзяць на якую-небудзь змену для інтэлектуалаў.
- У гэтым годзе каманда «Зорачка» з 12 па 29 жніўня прыме ўдзел у інтэлектуальных гульнях у рамках лагера, які арганізуе Нацыянальны цэнтр мастацкай творчасці дзяцей і моладзі. Так што пакуль не расстаёмся і не расслабляемся!
Гутарыла Наталля КАРАЛЬКЕВІЧ.
Фота Ірыны Вабішчэвіч
Карта сайта