Мікалаю Савайтану, Дзмітрыю Грыбко і Валянціну Бандарыку яна ўручыла вымпелы з лагатыпам «1000 тон», падарункі і Падзячныя лісты ад упраўлення па сельскай гаспадарцы і харчаванню і раённай прафсаюзнай арганізацыі работнікаў аграпрамысловага комплексу. У іх гаворыцца: «...выказваем падзяку і ўдзячнасць за плённую працу ў ходзе ўборачнай кампаніі 2020 года і за адданасць хлебаробнай справе...».
- Захаваць кожнае зернейка, давезці да зернесушыльнага комплексу - гэта вельмі важна, - сказала Ларыса Віктараўна. - З гэтага і складаецца агульны ўраджай. Дасягнутыя вамі вынікі служаць узорам прафесіяналізму, высокай самааддачы, свядомасці і дысцыпліны, творчых адносіны да працы і даручанай справы.
Яна падзякавала ўсім за працу і пажадала моцнага здароўя і далейшых поспехаў.
На кожную машыну прымацаваны знак «Лідэр уборачнай кампаніі».
Яшчэ адзін кіроўца-тысячнік, як называюць іх у гаспадарцы, - Віктар Серамяжка ўжо працаваў у поле. Узнагарода чакае пераможцу.
Таццяна Марцьянава.
Фота аўтара
Карта сайта