Забяспечыць бяспеку пры правядзенні ўборачнай кампаніі - адна з найважнейшых задач, якія стаяць перад работнікамі і кіраўнікамі сельскагаспадарчых аб'ектаў. З мэтай папярэджання пажараў і надзвычайных сітуацый на аб'ектах сельскагаспадарчай вытворчасці праводзяцца рэйдавыя мерапрыемствы, падчас якіх работнікі МНС кантралююць выкананне патрабаванняў правілаў пажарнай бяспекі.
У рамках уборачнай кампаніі работнікі Чэрвеньскага раённага аддзела па надзвычайных сітуацыях правялі рэйдавыя мерапрыемствы на землях ААТ «Валевачы» і ААТ «Запольскае».
У ходзе праводзімай пажарна-прафілактычнай працы да работнікаў даведзены мерапрыемствы па выключэнні прычын і ўмоў, якія спрыяюць узнікненню пажараў, а таксама правераны дзеянні работнікаў у выпадку ўзнікнення пажару. Асаблівую ўвагу ратавальнікі звярталі на забеспячэнне тэхнікі, занятай на ўборцы збожжавых культур, спраўнымі сродкамі пажаратушэння і іскрагасільнікамi.
Таксама на кантролі і пытанні праходжання пазапланавых інструктажоў па пажарнай бяспецы і навучання асоб, якія былі задзейнічаны ў ўборцы ўраджаю па праграме пажарна-тэхнічнага мінімуму.
Алена Немагай, інспектар сектара прапаганды
і ўзаемадзеяння з грамадскасцю
Чэрвеньскага РАНС
Карта сайта