У ходзе нагляду за дарожным рухам супрацоўнікамі ДАІ Чэрвеньскага РАУС у 2020 годзе затрымана 58 вадзіцеляў, якія кіравалі транспартнымі сродкамі ў стане алкагольнага ап'янення.
З мэтай спынення фактаў кіравання транспартам у стане алкагольнага ап'янення, як адной з асноўных прычын ДТЗ з цяжкімі наступствамі Дзяржаўтаінспекцыя Чэрвеньскага раёна ў перыяд з 04 па 07 верасня 2020 года праводзіць прафілактычную акцыю «Цвярозы кіроўца».
У ходзе правядзення акцыі Дзяржаўтаінспекцыя Міншчыны ўзмоцніць кантроль за фізічным станам вадзіцеляў. Рэйдавыя мерапрыемствы пройдуць з задзейнічаннем іншых службаў міліцыі грамадскай бяспекі.
Адно з самых сур'ёзных парушэнняў Правілаў дарожнага руху - кіраванне транспартам у стане алкагольнага ап'янення. Статыстыка кажа, што 5-10% ДТЗ, якія здзяйсняюцца па віне вадзіцеляў, звязана менавіта з гэтым правапарушэннем. Цяжар наступстваў такіх дарожна-транспартных здарэнняў значна вышэй у параўнанні з астатнімі аварыямі.
П'янства за рулём, нягледзячы на пастаянную барацьбу з ім, усё яшчэ застаецца нявырашанай праблемай. Алкаголь з'яўляецца адной з найбольш частых прычын ДТЗ і стварае пагрозу для жыцця і здароўя ўсіх удзельнікаў дарожнага руху.
Не лішнім будзе нагадаць, што за кіраванне транспартным сродкам у стане алкагольнага ап'янення або перадачу права кіравання нецвярозаму, а таксама адмову ад праходжання агляду кіроўца пазбаўляецца права кіравання усімі відамі транспартных сродкаў тэрмінам на 3 гады. Таксама ён атрымлівае штраф ад 1350 да 2700 рублёў (ад 50 да 100 базавых велічыняў). За паўторнае на працягу года кіраванне ў нецвярозым выглядзе ў стаўленнi да аўтааматара ўзбуджаецца крымінальная справа, а яго транспартны сродак канфіскуецца (па-за залежнасці ад таго, каму ён належыць).
Паважаныя грамадзяне! Калі вы бачыце ці ведаеце, што транспартным сродкам кіруе кіроўца ў стане алкагольнага ап'янення, паведаміце ў дзяжурную частку ДАІ па тэлефоне 102 (званок бясплатны).
АДАІ Чэрвеньскага РАУС
Карта сайта