Таксама ёсць два залатыя медалі ў асабістым першынстве і званні КМС.
Першынство вобласці па вольнай барацьбе сярод юніёраў праходзіла ўчора і сёння ў горадзе Смалявічы. Наша каманда заняла трэцяе месца.
Аляксей СIПАЧ і Уладзіслаў ВАЯВОДЗІН ў асабістым першынстве занялі ў сваіх вагавых катэгорыях першыя месцы, Кірыл СМІРНОЎ падняўся на трэцюю прыступку пастамента.
Акрамя перамогі над супернікамі, хлопцы дамагліся яшчэ аднаго важнага выніку: выканалі нарматыў кандыдата ў майстры спорту па вольнай барацьбе.
Адміністрацыя спартшколы віншуе рабят і жадае ім новых дасягненняў, зацятасці ў трэніроўках і высокіх узнагарод на рэспубліканскім і сусветным узроўні.
Наталля КАРАЛЬКЕВІЧ. Фота аўтара
Карта сайта