Удзел у ім узялі дзесяць каманд.
На першым этапе валейбалісты спаборнічалі ў групах. З групы “А” у фінальную частку турніру выйшлі каманды ўпраўлення па адукацыі, спорту і турызму райвыканкама і Чэрвенскага лясгаса, з групы “Б” – спартсмены, якія выступалі за СШ №4 Чэрвеня і каманда “Нястрымныя”.
У паўфіналах СШ №4 перамагла лясгас, а валейбалісты ўпраўлення па адукацыі, спорту і турызму – “Нястрымных”.
Трэцяе месца заняла каманда лясгаса, якая ў дзвюх партыях узяла верх над “Нястрымнымі”.
Фінальны матч выдаўся напружаным. Першая партыя была за прадстаўнікамі ўпраўлення па адукацыі, спорту і турызму – 21:18. У другой цяжкую перамогу здабылі валейбалісты СШ №4 – 25:23. Яны ж у выніку і выйгралі турнір, даціснуўшы сапернікаў у трэцяй партыі – 15:10.
Каманда-пераможца ўзнагароджана Кубкам, а ігракі каманд, якія занялі першае, другое і трэцяе месцы – медалямі.
Аляксандр НЯПЕЎНЫ, інструктар-метадыст раённага фізкультурна-спартыўнага клуба
Карта сайта