Яўген Юр'евіч распавёў, якая абстаноўка з пажарамі ў рэгіёне, адзначыў, што, на жаль, на некаторых пажарах гінуць людзі. Супрацоўнік МНС растлумачыў прычыны, з-за якіх адбываюцца узгараннi, распавёў, што ў шматлікіх выпадках як да надзвычайных сітуацый у агульным, так і да чалавечых ахвяр прыводзіць элементарная абыякавасць саміх грамадзян да ўласнай бяспекі, да выканання элементарных правіл.
У сваім выступе Яўген Кулеш таксама засяродзіў увагу медработнікаў на праблеме нагляду за дзецьмі. Пакідаць іх адных нельга нават на пару хвілін, таму што такая невялікая, на першы погляд, памылка можа пацягнуць вельмі сур'ёзныя наступствы.
Звяртаючыся да прысутных, кіраўнік аддзела МНС адзначыў: «Ва ўсіх вас ёсць альбо дзеці, альбо ўнукі, альбо сваякі з маленькімі дзецьмі. Таму для кожнага карысна такая інфармацыя, і кожны можа з самага ранняга дзяцінства прывіваць элементарныя правілы бяспекі самым маленькім нашым грамадзянам».
На сустрэчы абмеркавалі і іншыя пытанні: падрыхтоўку печаў і катлоў да ацяпляльнага сезона, ўстаноўку ў дамах аўтаномных пажарных апавяшчальнікаў, падтрыманне іх у спраўным стане.
Каб важныя правілы пажарнай бяспекі не былі забыты, адцененыя важнымі медпроцедурами і хатнімі клопатамі, усе медработнікі, якія ўдзельнічалi у сустрэчы, атрымалі памяткі і ўлёткі на супрацьпажарную тэму.
Наталля КАРАЛЬКЕВІЧ. Фота Алены Немагай
Карта сайта