Ужо на месцы звярніце ўвагу, якія буйныя арыенціры маюцца паблізу: рака, дарога, і г.д. У выпадку чаго вас будзе лягчэй шукаць, ды і лягчэй будзе арыентавацца.
Неабходна дакладна прадумаць рыштунак. Калі ў вас маецца мабільны тэлефон - абавязкова вазміце з сабой, папярэдне зарадзіўшы яго і папоўніўшы баланс. Спецыялісты рэкамендуюць надзець на шыю свісток - ён можа апынуцца надзейней тэлефона. Таксама вельмі важна ўзяць з сабой пабольш ежы, цёплых рэчаў, нож, компас, зручны абутак. А яшчэ - неабходныя лекі, ўключаючы бінт з ёдам, набор запалак у воданепранікальнай упакоўцы, порхаўку, невялікі запас грошай. Вопратку рэкамендуецца выбіраць яркіх таноў. Камуфляжная форма будзе толькі ўскладняць пошукі, паколькі зліваецца з дрэвамі.
Калі вы ўсё ж такі заблукалі, то не варта панікаваць. Неабходна ўспомніць шлях, па якім вы ішлі, пастарацца вярнуцца туды, адкуль разышліся з таварышамі. Калі нікога не выявілі - шукайце любую сцежку, прасеку або лінію электраперадач. Знайшлі арыенцір - трымайцеся яго і нікуды не зварочвайце. Ніколі не перахадзіце раку і тым больш балота. Заўсёды надзейней ісці ў процілеглы ад іх бок.
Для начлегу неабходна распаліць вогнішча на ўзвышшы, паблізу вялікага дрэва. Ляжаць трэба тварам да вогнішча і ні ў якім разе не спаць: магчыма, дапамога ўжо дзесці побач, а вы не пачуеце.
Калі чалавек не вярнуўся ў прызначаны час, а яго спадарожнікі сцвярджаюць, што з лесу ён не выходзіў, блізкім неабходна паведаміць аб тым, што здарылася ў міліцыю. Не спрабуйце працягваць пошукі самастойна. Не трэба адкладаць званок надоўга, каб не было позна.
Аддзяленне крымінальнага
вышуку Чэрвеньскага РАУС
Карта сайта