Усе прыйшлі ў касцюмах з «ужасцікаў» і весела правялі час.
Як распавялі арганізатары «Вечару прывiдаў», удзельнікі ўсур'ёз пастараліся над стварэннем касцюмаў. У сваю чаргу, арганізатары папрацавалі над афармленнем інтэр'ера: злавесныя гарбузы, кажаны, павукі і павуцінне, сілуэты прывідаў, незямное асвятленне і адпаведная момантe музыка стваралі тон сапраўднай Велесавай ночы.
Прывіды так і бегалі па зале, але на самой справе ўсім было не страшна, а прыкольна і весела.
Рабят забаўлялі стыльны дыджэй і танцавальная студыя «Матрыкса». Працаваў стол заказаў любімых хітоў. Было шмат фотазон, усе сышлі з фотачкамi ў незвычайным антуражы. Магчыма, камусцi з дарослых такая забаўка рабят здалося несур'ёзнай. Але ж на тое і 13-15 гадоў, каб забаўляцца. Вырастуць - пасур'ёзнеюць!
Наталля КАРАЛЬКЕВІЧ. Фота Вольгі КУЗЮТКІНАЙ
Карта сайта