У наш час бяздомным жывёлам дапамагаюць многія, у тым ліку і ў Чэрвені. Ідэю мінскіх валанцёраў сабраць ежу і рэчы для бяздомных катоў і сабак падтрымалі дырэктар Цэнтра творчасці дзяцей і моладзі Ксенія Каленік, выкладчыкі-дарослыя і выхаванцы-дзеці.
«Я ўпэўненая, што кожны можа дапамагчы, хай па ледзь-ледзь, але і гэта ўратуе нечае маленькае пухнатае жыццё, сагрэе лапы, уключыць «мурчалачку», - сказала Ксенія Каленік. - Мы збіраем амуніцыю, корм і медыкаменты ў нашым Цэнтры, па адрасе Гарбачова, 20.
На фота вы бачыце: сее-тое мы ўжо сабралі. Усё, што збярэм, перададзім валанцёрам Volunteers.»
Акцыя працягнецца да 13 лістапада. Кожны, хто хоча дапамагчы, можа прынесці хоць бы пакецік корму або цацку, ашыйнік, міску. Дапаможам, праўда?
Наталля КАРАЛЬКЕВІЧ. Фота аўтара
Карта сайта