«Я думаю, канец лютага-пачатак сакавіка», — сказаў Дзмітрый Піневіч, адказваючы на пытанне, калі будзе атрымана вакцына, вытворчасць якой лакалізуюць у Беларусі. Што тычыцца аб'ёмаў, то «гэта будзе вылічацца сотнямі тысяч, я спадзяюся», адзначыў міністр і дадаў, што гэты беларуска-расiйскі праект узаемавыгадны з розных бакоў.
«Ва ўзаемадзеянні з расiйскімі партнёрамі мы працуем над выпускам гатовых формаў вакцыны на магутнасцях нашых фармпрадпрыемстваў. Сакрэту вялікага няма, гэта будуць «Белмедпрэпараты» - наша вядучае прадпрыемства, якое мае прамысловыя магутнасці, свой навуковы патэнцыял, а таксама працяглыя і прадуктыўныя сувязі, вопыт кааперацыі, узаемадзеяння з расійскім бокам», — адзначыў Дзмітрый Піневіч.
29 снежня ў Беларусі пачалася масавая вакцынацыя насельніцтва Беларусі расiйскай вакцынай супраць каранавiруса «Спадарожнік V». Першымі будуць вакцынаваны медыцынскія работнікі, педагогі і тыя спецыялісты, якім у сілу асаблівасцяў прафесіі даводзіцца шмат кантактаваць з людзьмі. Вакцынацыя будзе праводзіцца ў добраахвотным парадку.
Карта сайта