Бо ўдзел у любых спаборніцтвах зараз - рэдкая ўдача, а ўжо пад Новы год - гэта наогул як падарунак!
29 снежня з самай раніцы ў спарткомплексе панавала ажыўленне: «Плывем! Плывём!»- радасна перагаворваліся выхаванцы. Прыехалі ўдзельнікі з іншых гарадоў: Барысава, Валожына і Беразіно. І вось нарэшце доўгачаканы старт, юныя плыўцы дэльфінамі ўваходзяць у ваду і імчацца да сваіх перамог!
Чэрвеньскія хлопцы і трэнеры СДЮШАР па плаванні на гэтым адкрытым турніры даказалі, што нездарма дзень за днём, тыдзень за тыднем вада ў басейне ці ледзь не кіпела ад старанняў хлапчукоў і дзяўчынак. У нашых - шмат прызавых месцаў, ёсць і першыя.
На дыстанцыі 25 метраў вольным стылем 3-е месца заняў Мікіта КРУК, другім стаў Мікалай МАХНАЧ.
Валерыя ВЯСНЯНКА двойчы паднялася на вышэйшую прыступку п'едэстала, яна заняла першыя месцы на дыстанцыях 50 метраў вольным стылем і 50 метраў на спіне.
Двойчы падымаўся на п'едэстал і Глеб ПЕНКРАТ. Ён стаў трэцім на дыстанцыях 50 метраў вольным стылем і 100 метраў комплексным плаваннем.
Аляксандра КЕДЗІЧ паставіла своеасаблівы рэкорд: у яе адразу тры медалі! За 50 метраў на спіне - «золата», за 100 комплексным плаваннем і 50 вольным стылем - «бронза».
Арцём КАРДЫМОН і Карына ЧАРНАВЕЦ сталі трэцімі на дыстанцыі 50 метраў на спіне. Павел НЯХАЙ выйграў «бронзу», плывучы 50 метраў вольным стылем.
Ангеліна КУР'ЯНЧЫК заняла другое месца на дыстанцыі 50 метраў на спіне. А сярод хлопцаў у гэтай жа дысцыпліне не было роўных Іллі ГАЛІНОЎСКАМУ, які заняў першае месца.
Наталля КАРАЛЬКЕВІЧ. Фота Ліліi ПФЕЙФЕР
Карта сайта