Намеснік старшыні РГА «Белая Русь» Аляксандр Шацько адзначыў, што падбор кандыдатаў заняў нямала часу: хтосці сам хацеў удзельнічаць, хтосці, наадварот, адмовіўся, хоць і быў прапанаваны ад свайго актыву. «11-12 лютага будзе важная падзея, адпраўная кропка, асабліва для нас, супольнікаў. Усяго ад нас вылучана больш за 230 кандыдатаў, з усіх гарадоў і вёсак. У спісе ад Мiнска — 75 чалавек, а ад абласцей - 20-25», - распавёў Аляксандр Шацько.
Усе прапанаваныя кандыдатуры - гэта актывісты арганізацыі (ад радавых рабочых, педагогаў, медыкаў, работнікаў МНС да старшыняў аблсавета дэпутатаў), якія не змяняюць ёй ужо многія гады, непасрэдна ўдзельнічалі ў выпрацоўцы прапаноў для УНС. І ў Канстытуцыю, і ў заканадаўчыя акты, якія канкрэтызуюць тыя ці іншыя яе палажэнні.
«Мы шмат працавалі па прапановах да сходу, праводзілі круглыя сталы - у савеце і рэгіёнах. Прапановы датычацца і дзяржаўнага ладу ў цэлым, і асобных галін, і пытанняў ідэалогіі, развіцця партыйнай сістэмы, выбудоўвання ўмоў для развіцця грамадзянскай супольнасці. Нам хацелася б разумець, якія змены з прапанаваных увойдуць у канстытуцыйную рэформу і як на гэта адрэагуюць людзі», — адзначыў Аляксандр Шацько.
Сярод прапаноў - укараняць змешаную выбарчую сістэму; дазволіць чыноўнікам на дзяржаўнай службе таксама быць і ў палітычных партыях. «Без гэтага партыйнае будаўніцтва ў Беларусі неактуальна», - дадаў ён.
Таксама Аляксандр Шацько распавёў пра ідэю стварэння партыі Народнага Адзінства, ініцыятыва якой даўно ўжо зарадзілася ў шэрагах «Белай Русі». «Многія не хочуць працаваць у партыйнай сістэме. У складзе грамадскай арганізацыі больш магчымасцяў для манеўру, і не пераследуецца мэта палітычнага лідарства. Калі мы і будзем ствараць нейкую партыйную структуру, то ў кааліцыі з іншымі грамадскімі арганізацыямі. Проста мы добра структураваны і маем свой рэсурс у кожным рэгіёне», - растлумачыў ён.
Дарэчы, 2020 год стаў для многіх членаў арганізацыі годам самавызначэння. На фоне адтоку членаў арганізацыі (каля 3,5 тыс.) у яе шэрагі ўступілі амаль 5 тыс. новых. «І гэта было іх прынцыповае рашэнне», - падкрэсліў Аляксандр Шацько.
Карта сайта