Статыстыка кажа, што 5-10% ДТЗ, якія здзяйсняюцца па віне вадзіцеляў, звязана менавіта з гэтым правапарушэннем. Цяжар наступстваў такіх дарожна-транспартных здарэнняў значна вышэй у параўнанні з астатнімі аварыямі. П'янства за рулём, нягледзячы на пастаянную барацьбу з ім, усё яшчэ застаецца нявырашанай праблемай. Алкаголь з'яўляецца адной з найбольш частых прычын ДТЗ і стварае пагрозу для жыцця і здароўя ўсіх удзельнікаў дарожнага руху.
Хворы або стаміўшыся кіроўца аб'ектыўна ацэньвае свой стан і імкнецца не рызыкаваць - праяўляе ўвагу і асцярожнасць, не перавышае хуткасць і не выконвае складаныя манеўры, пры з'яўленні перашкоды на дарозе раней пачынае тармазіць. Нецвярозы жа кіроўца небяспечней - у яго прачынаецца жаданне паказаць прафесіяналізм і запал да зухаватасцi. Алкаголь затарможвае цэнтры кары галаўнога мозгу, якія кантралююць дзеянні і ўчынкі чалавека.
Акрамя рызыкі для свайго жыцця і пасажыраў аўто, нецвярозы кіроўца прадстаўляе пагрозу для пешаходаў. Пры з'яўленні небяспекі на дарозе п'яны кіроўца не спяшаецца, бо ўпэўнены ў сваёй дакладнай рэакцый. Але яна запаволеная, а каардынацыя рухаў парушана. Яму здаецца, што да пешахода 50 м, а рэальная адлегласць у два разы менш. Аўтааматар лічыць, што імгненна націснуў на тормаз, а на самай справе са спазненнем. Чым больш кіроўца выпіў - тым павольней ён рэагуе.
З мэтай папярэджання падобных ДТЗ, з 5 па 8 лютага праводзіцца прафілактычная акцыя «Цвярозы кіроўца», накіраваная на папярэджанне ДТЗ па віне асоб, якія кіруюць транспартнымі сродкамі ў стане алкагольнага ап'янення, а таксама якія не маюць права кіравання.
Не лішнім будзе нагадаць, што за кіраванне транспартным сродкам у стане алкагольнага ап'янення або перадачу права кіравання нецвярозаму, а таксама адмову ад праходжання агляду кіроўца пазбаўляецца права кіравання усімі відамі транспартных сродкаў тэрмінам на 3 гады. Таксама ён атрымлівае штраф ад 50 да 100 базавых велічынь. За паўторнае на працягу года кіраванне ў нецвярозым стане, у стаўленнi аўтааматара ўзбуджаецца крымінальная справа, а яго транспартны сродак канфіскуецца (па-за залежнасці ад таго, каму ён належыць).
Дзяржаўтаінспекцыя заклікае грамадзян!
Калі вы ведаеце, што транспартным сродкам кіруе кіроўца ў стане алкагольнага ап'янення, а таксама, калі вы бачыце на праезнай частцы пешахода або веласіпедыста, які знаходзіцца ў стане алкагольнага ап'янення, альбо які прадстаўляе сваімі дзеяннямі небяспеку для дарожнага руху, просім вас неадкладна патэлефанаваць у дзяжурную частку Чэрвеньскага РАУС (можна зрабіць гэта ананімна) па тэлефоне 102.
Будзьце ўпэўнены, што Ваш званок не застанецца без увагі і дапаможа захаваць жыццё!
Дзяржаўтаінспекцыя Чэрвеньскага РАУС
Карта сайта