Пра гэта сёння на спецыяльным брыфінгу па выніках працы місіі Сусветнай арганізацыі аховы здароўя (СААЗ) ва Ухань заявіў кіраўнік гэтай групы, эксперт СААЗ па заанозных інфекцыях (якія перадаюцца чалавеку ад жывёл) і харчовай бяспецы Пітэр Бэн Эмбарэк, паведамляе ТАСС.
«Вынікі нашых даследаванняў паказваюць на тое, што гіпотэза аб лабараторным інцыдэнце з'яўляецца вельмі малаверагоднай, каб растлумачыць з'яўленне віруса сярод людзей. Такім чынам, гэтая гіпотэза не будзе выкарыстоўвацца ў нашай далейшай працы над вывучэннем таго, адкуль з'явiўся вірус», - сказаў Пітэр Бэн Эмбарэк.
Перадача ад жывёлы да чалавека праз прамежкавае звяно з'яўляецца найбольш верагоднай гіпотэзай паходжання каранавiруса, лічаць у СААЗ. «У нас было чатыры ключавыя гіпотэзы, якім чынам вірус мог перадацца чалавеку. Першая - гэта прамая перадача ад жывёлы да чалавека, другая - перадача віруса да чалавека ад прамежкавага вiду жывёлы, у якім вірус мог адаптавацца і знаходзіцца да перадачы да чалавека... Трэцяя гіпотэза - гэта перадача праз харчовы ланцужок, у прыватнасці праз замарожаныя прадукты. І чацвёртая гіпотэза - гэта верагоднасць інцыдэнту, звязанага з лабараторыяй», - указаў Пітэр Бэн Эмбарэк.
«Мы вывучылі кожную гіпотэзу і вывучылі верагоднасць кожнай з іх. Найбольш верагоднай з'яўляецца перадача віруса ад жывёлы да чалавека праз прамежкавы рэзервуар», - заявіў Пітэр Бэн Эмбарэк. Ён таксама адзначыў, што версія з перадачай віруса праз паверхню замарожаных прадуктаў таксама з'яўляецца вельмі верагоднай.
Пры гэтым кіраўнік місіі СААЗ адзначыў, што навукоўцы пакуль не ведаюць, якую ролю адыграў рынак морапрадуктаў «Хуанань» у кітайскім Ухань у распаўсюдзе каранавіруса новага тыпу. «Мы не ведаем канкрэтную ролю рынку «Хуанань». Нам вядома, што ў снежні 2019 года там была ўспышка сярод людзей, якія былі на рынку, - сказаў ён. - Як вірус з'явіўся на рынку і распаўсюдзіўся там, дагэтуль невядома»
Эксперты СААЗ прыбылі ва Ухань для вывучэння паходжання каранавiруса новага тыпу 14 студзеня. Падчас візіту экспэрты СААЗ наведалі уханьскі рынак морапрадуктаў «Хуанань», дзе ўпершыню была зафіксавана ўспышка каранавіруса ў снежні 2019 года, шэраг інфекцыйных бальніц горада, а таксама Уханьскі інстытут вірусалогіі.
Раней у СААЗ неаднаразова заяўлялі, што пошукі крыніцы першага заражэння каранавірусам трэба пачынаць з кітайскага горада Ухань. Улетку мінулага года КНР наведалі два эксперты з мэтай падрыхтоўкі асноўнай місіі. Вынікам гэтай паездкі стала выпрацоўка спецыялістамі арганізацыі і Кітая дакумента «Аб даследаваннях і праграме дзейнасці міжнароднай групы пад кіраўніцтвам СААЗ».
Карта сайта