Навучэнцы ўсіх класаў прынялі актыўны ўдзел у правядзенні прапанаваных мерапрыемстваў.
Энтузіязм выклікала выстава насценгазет і крыжаванак. Вучні ахвотна чыталі прапанаваныя матэрыялы, вырашалі гістарычныя задачы і галаваломкі. Плакат на гістарычную тэматыку «Родны край» выклікаў вялiкую цікавасць.
У пачатку тыдня навучэнцам 9-11 класаў школы былі прапанаваны тры анлайн-заданні па гісторыі Беларусі. Першыя два былі тэставымі, а вось трэцяе заданне было прадстаўлена разгадваннем беларускай геральдыкі з дапамогай QR-кода. Гэта заданне выклікала жывы інтарэс і ў школьнікаў 6-8 класаў. Дзеці з задавальненнем вывучалі гербы беларускіх гарадоў і абласцей. Вынікі анлайн-тэсціравання: 11 класы – 10 чалавек, 10 класы -28 чалавек, 9 класы - 41 чалавек. А вось у разгадванні геральдыкі прыняло ўдзел 129 школьнікаў розных класаў.
Найбольш актыўным і дзейсным апынуўся 10 «А» клас (Бендзь Валерыя, Харытановіч Дар'я, Палякоў Уладзіслаў). Усе хлопцы, якія прынялі актыўны ўдзел, будуць адзначаны адзнакамі, а найбольш актыўныя класы - граматамі.
На тыдні гісторыі спаборніцкі дух ахапіў вучняў 5-х класаў, якія прынялі актыўны ўдзел у правядзенні гістарычных гульні «Падарожжа па краінах Усходу» і паказалі добры ўзровень ведаў па прапанаваных пытаннях. Хлопцы карысталіся дадатковай літаратурай пры складанні пытанняў для каманд супернікаў. Усе навучэнцы заахвочаны адпаведнымі адзнакамі па прадметах.
У пятніцу, 26 лютага, восьмыя класы школы ўзялі ўдзел у гістарычнай турніры «Свая гульня». З мэтай зніжэння рызыкі захворвання, гульня праводзілася ў кожным з трох класаў індывідуальна. Пасля падліку галасоў былі вызначаны пераможцы турніру. Для стымулявання цікавасці да прадмета мы, настаўнікі гісторыі, вырашылі адзначыць каманды-пераможцы кожнага класа. У выніку пераможцамі ў гульні сталі: каманда 8 «А»- «Спартыяты», 8 «Б» - «Амазонкі», 8 «В» -«Гуманісты».
Падводзячы вынікі, хацелася б адзначыць, што навучэнцы школы актыўна прынялі ўдзел у прадметным тыдні. Такія тыдні павышаюць цікавасць школьнікаў да прадмета, прымяняюцца новыя формы пазакласнай працы, шукаюцца новыя магчымасці для прыцягнення цікавасці вучняў, а таксама яны стымулююць павышэнне пазнавальнай актыўнасці дзяцей і іх самаадукацыi.
С. М. Няборская,
Н.А. Баравік
Карта сайта