Па дапамогу яны звярнуліся ў цэнтр культуры і вольнага часу. Творчыя работнікі прапанавалі зрабіць гэта масава, відовішчна і ярка.
Чацвёртага сакавіка на пляцоўцы ля будынка РАУС хлопцы з гімназіі, сярэдніх школ №2 і №4 правялі музычны танцавальны флэшмоб. Артысты з Цэнтра культуры і вольнага часу Андрэй Хурсевіч і Вольга Лаўніковіч выканалі песню «102» пра будні і гераічныя ўчынкі работнікаў міліцыі.
Школьнікі ў гэты час рухаліся ў такт музыцы, трымаючы ў руках дзяржаўныя сцягі і сцяжкі з гербам нашага горада. Віншаванне атрымалася урачыстым і кранальным адначасова.
Супрацоўнікі міліцыі, якія назіралі за выступленнем, былі прыемна здзіўлены і ўдзячны маладым людзям за віншаванне вартавых парадку з прафесійным святам у незвычайным фармаце.
Галіна Гамеза. Фота аўтара
Карта сайта