Наша вялікая і дружная чэрвеньская каманда вельмі старалася. Лепшыя плыўцы ў эстафеце 6Х50 вольным стылем занялі другое месца. У эстафеце плылі Валерыя Вяснянка, Міхаіл Арлоўскі, Ксенія Бондарава, Іван Няхай, Арсень Чарнавец і Яна Бурко.
У індывідуальным заліку Мікіта Крук заняў другое месца на дыстанцыі 25 метраў вольным стылем, Дар'я Ажар-трэцяе месца на дыстанцыі 50 метраў вольным стылем і першае месца на дыстанцыі 100 метраў комплексным плаваннем.
Даша Ванагель двойчы падымалася на другую прыступку п'едэстала, за вынік на 50 метрах вольным стылем і комплексную стомятроўку. Таксама другой на гэтай дыстанцыі стала Валерыя Вяснянка. А на стомятроўцы вольным стылем Леры не было роўных, у яе першае месца.
Ксенія Бондарава заняла трэцяе месца на дыстанцыі сто метраў вольным стылем.
На дыстанцыі сто метраў комплексным плаваннем Ілля Галіноўскі і Міхаіл Арлоўскі занялі другія месцы, Іван Няхай - трэцяе.
Арсень Чарнавец атрымаў узнагароду за трэцяе месца за дыстанцыю 400 метраў вольным стылем.
Віншуем усіх нашых «залатых рыбак» з перамогамі і жадаем новых дасягненняў і «хуткай вады».
Наталля КАРАЛЬКЕВІЧ. Фота аўтара
Карта сайта