Аб гэтым паведаміў журналістам міністр аховы здароўя Дзмітрый Піневіч падчас наведвання Рэспубліканскага навукова-практычнага цэнтра трансфузіялогіі і медыцынскіх біятэхналогій, перадае карэспандэнт БЕЛТА.
Міністр распавёў, што літаральна на днях у Беларусь паступіла партыя ў 100 тыс. доз другога кампанента «Спадарожнік V» і яна размяркоўваецца па тэрыторыі краіны. «З сярэдзіны красавіка выходзіць першая стотысячная партыя з «Белмедпрэпаратаў», яна ўжо будзе прамысловай», - адзначыў ён.
Паводле яго слоў, штомесяц будзе выпускацца па 500 тыс. вакцын на «Белмедпрэпаратах». Пры гэтым міністр растлумачыў: калі адмыслоўцы кажуць пра 500 тыс. вакцын, маюцца на ўвазе адразу два кампаненты. Гэта значыць, гаворка ідзе пра вакцынацыю 500 тыс. чалавек.
У красавіку-маi гэтага года плануецца прышчапіць каля 1 млн чалавек. «І да восеньскага сезону дасягнуць жаданай лічбы - 4 млн чалавек», - сказаў міністр.
Аднак працяг вакцынацыі не азначае, што можна аслабіць супрацьэпідэмічныя мерапрыемствы, у тым ліку патрабаванне па выкарыстанні масак у грамадскіх месцах. Кантроль за выкананнем гэтага патрабавання, па словах міністра, будзе ўзмоцнены. «Кантроль за масачных рэжымам павінен быць нават у большай ступені жорсткім», - перакананы ён.
Дзмітрый Піневіч звярнуў асаблівую ўвагу на эфектыўнае супрацоўніцтва дзвюх сістэм аховы здароўя - Беларусі і Расіі, што яскрава выявілася і ў барацьбе з каранавiруснай інфекцыяй. Напрыклад, гатоўнасць расійскага боку прадаставіць трансфер тэхналогій па вытворчасці вакцыны ад COVID-19. «Упэўнены, на нашым прадпрыемстве будзе разлівацца большая колькасць вакцын (чым неабходна для ўнутраных патрэбаў Беларусі. - заўвага БЕЛТА), і мы пра гэта дамаўляліся. Гэта будуць пакрывацца патрэбы Расійскай Федэрацыі альбо нейкіх трэціх краін у нашых агульных інтарэсах», - адзначыў міністр.
Карта сайта