У Чэрвені найбольш значны аб’ём работ выконваўся ў лесапарку “Загор’е”. Тут на добраўпарадкаванні зоны адпачынку паблізу амфітэатра працавалі работнікі аддзелаў і ўпраўленняў райвыканкама, друкарні, філіялаў “Беларусбанка” і “Белаграпрамбанка”, раённага Цэнтра гігіены і эпідэміялогіі, Фонду сацыяльнай абароны насельніцтва, аддзела статыстыкі і іншых арганізацый.
Да іх далучылася начальнік галоўнага ўпраўлення культуры аблвыканкама Ала Шахоцька.
У дзіцячым парку на добраўпарадкаванні шчыравалі калектывы дома-інтэрнату для дзяцей-інвалідаў з асаблівасцямі псіхафізічнага развіцця, раённай бальніцы і тэрытарыяльнага цэнтра сацыяльнага абслугоўвання насельніцтва.
Тэрыторыю былога дзіцячага садка №3 прыбіралі работнікі раённага цэнтра па забеспячэнню дзейнасці бюджэтных арганізацый.
Прадстаўнікі раённай інспекцыі прыродных рэсурсаў і аховы навакольнага асяроддзя, лясгаса, ПМК-237 высадзілі 14 саджанцаў ясеня і бярозы ў парку паміж вуліцамі Нараўлянскай, Ціміразева і Барыкіна.
Шмат калектываў добраўпарадкоўвалі свае і замацаваныя тэрыторыі. Сярод іх — Чэрвеньскі РАУС.
Карта сайта