Як адзначыў ваенны камісар Чэрвеньскага і Бярэзінскага раёнаў Дзмітрый Сініцкі, гэта вельмі значна і ганарова – несці службу напярэдадні святкавання Вялікай Перамогі: «Прызыў у такі асаблівы перыяд часу гэта гонар для кожнага ваеннаабавязанага, гэтым можна ганарыцца ўсё жыццё!»
Зборы па абслугоўванні тэхнікі недатыкальнага запасу пройдуць у Старых Дарогах з 4 па 28 мая. Усе чатырнаццаць чалавек знаходзяцца ў адной часцi, дзевяць з іх патрапілі ў асноўны склад і пяць - у рэзерв. Каб падкрэсліць урачыстасць і значнасць моманту, перад самай адпраўкай усе ўдзельнікі збораў разам з афіцэрамі зладзілі невялікі флэшмоб у памяць пра дзедаў і прадзедаў, землякоў, усіх герояў, здабыўшых Перамогу. Сваімі рукамі зрабілі стылізаваны плакат з раздрукаваных паасобку літар. Калі ўсе сталі ў пэўнай паслядоўнасці, атрымаўся надпіс: «Мы памятаем - мы ганарымся!».
Наталля КАРАЛЬКЕВІЧ. Фота аўтара
Карта сайта