З адкрыццём нас прыехалі павіншаваць намеснік старшыні раённага выканаўчага камітэта Лідзія Шчацінка, начальнік упраўлення па адукацыі, спорце і турызме райвыканкама Ірына Змачынская, старшыня прафсаюза работнікаў адукацыі і навукі, старшыня раённага аддзялення Беларускага дзіцячага фонду Святлана Буцавіцкая, галоўны санітарны ўрач Чэрвеньскага раённага цэнтра гігіены і эпідэміялогіі Наталля Свядыш.
Госці павіншавалі дзяцей з Днём абароны дзяцей і пачаткам аздараўленчага сезона, пажадалі выдатна правесці час і знайсці новых сяброў. Нагадалі таксама і аб мерах бяспекі і засцярогі падчас знаходжання ў лагеры.
Хлопцы парадаваліся навінам аб планаваных паездках у гісторыка-культурны комплекс «Лінія Сталіна» і музейны комплекс старадаўніх народных рамёстваў і тэхналогій «Дудуткі».
Усе выхаванцы атрымалі падарункі ад Беларускага дзіцячага фонду - цацкі, інтэрактыўныя гульні, прадметы канцылярыі.
Мы віншуем усіх з Міжнародным Днём абароны дзяцей! Жадаем ніколі не бачыць дзіцячых слёз і суму. Хай нашы дзеці як мага даўжэй застаюцца дзецьмі. А мы, дарослыя, у адказе за шчаслівае і бяспечнае дзяцінства дзетак.
Юлія Новікава-Сакалоўская, важатая першага атрада
Карта сайта