На працягу месяца запланавана вялікая колькасць мерапрыемстваў у горадзе і сельскай мясцовасці з выкарыстаннем беларускай дзяржаўнай сімволікі. У акцыі можа прыняць удзел любы жадаючы.
У раёне ўжо адбылося больш двух дзесяткаў розных конкурсаў, выстаў, квэстаў, экскурсій, флэшмобаў. Мерапрыемствы прайшлі ў Смілавіцкім ліцэі, дзіцячым доме-інтэрнаце, Руднянскай школе, Любішынскім і Грабенскім СДК, Грабянецкай бібліятэцы-клубе, Горкаўскай сельскай бібліятэцы, Смілавіцкай дзіцячай школе мастацтваў, раённым Цэнтры культуры і вольнага часу.
Бліжэйшыя запланаваныя мерапрыемствы — водны турыстычны паход Смілавіцкага ліцэя (з 4 па 11 чэрвеня), конкурс вершаў «Радкі пра маю Беларусь» у бібліятэцы аграгарадка Любішына (5 чэрвеня), флэшмоб «Сімвалы маёй краіны» ў Чэрвеньскім ліцэі (8 чэрвеня), конкурс малюнкаў на асфальце ў гімназіі (5 чэрвеня), конкурс беларускай народнай песні ў Руднянскай школе (8 чэрвеня), афармленне кампазіцыі «Дрэва жаданняў» у Новазелянкоўскай школе (з 7 па 18 чэрвеня), медыя-гульня «Ці ведаеш ты Беларусь» у раённым краязнаўчым музеі (6 чэрвеня).
Фатаграфіі ўдзелу ў мерапрыемствах акцыі з хэштэгам #символымоейстраны прапануецца размяшчаць у сацыяльных сетках.
Карта сайта