1 чэрвеня ў Барысаве ўпершыню правялі фестываль у рамках гэтай лігі для футбалістак малодшага ўзросту. У ім удзельнічалі дзве ўзроставыя катэгорыі: WU-9 (да 9 гадоў) і WU-11 (да 11 гадоў). Пад кіраўніцтвам трэнера Максіма Шалабнёва ўдзел у мерапрыемстве прынялі юныя футбалісткі Запольскай школы.
Як адзначыў дырэктар школы Андрэй Гантарэнка, такія мерапрыемствы вельмі важныя: «Яны спрыяюць папулярызацыі жаночага футбола, а гэта — складнік сацыяльнай палітыкі дзяржавы, накіраванай на ўмацаванне здароўя падрастаючага пакалення».
Усе каманды атрымалі ў падарунак ад Асацыяцыі «Беларуская федэрацыя футбола» мячы, гетры і сувеніры. Турнір праходзіў у цёплай, сяброўскай абстаноўцы.
Дзеці змаглі паказаць свае здольнасці і дасягненні і шмат чаму павучыцца ў іншых, а таксама паспаборнічаць у сумленнай прафесійнай гульні пад кіраўніцтвам вопытных трэнераў і суддзяў.
Віталь ПАЛЯЧКОЎ, намеснік дырэктара па выхаваўчай рабоце
Запольскай школы. Фота аўтара
Карта сайта