Чэрвеньскі раённы выканаўчы камітэт

Асабліва цяжка пераносяць спякоту пажылыя людзі, асобы, якія пакутуюць сардэчнымi захворваннямі, залішняй вагой і атлусценнем. Акрамя гэтага, летам павялічваецца рызыка сонечных апёкаў, сонечнага ўдару, а таксама траўмаў, звязаных з адпачынкам і працай на дачных участках. Каб знізіць рызыку перагравання неабходна паменшыць выпрацоўку цяпла арганізмам і палегчыць цеплааддачу.

Што рабіць, каб арганізм выпрацоўваў менш цяпла?

1. Звядзiце да мінімуму фізічныя нагрузкі. Усю працу па магчымасці варта перанесці на больш халодны час сутак.
2. Паменшыце аб'ём і каларыйнасць харчовага рацыёну. У спякоту лепш адмовіцца ад мясных прадуктаў, асабліва каўбасных вырабаў, вяндліны, а таксама звесці да мінімуму ўжыванне кандытарскіх вырабаў. Аддавайце перавагу гародніне, садавіне, нятлустым малочным прадуктам. Наогул лета - гэта выдатная магчымасць разгрузіць свой арганізм і знізіць вагу.
3. Не захапляйцеся марозівам! Яно толькі стварае ілюзію астуджэння, а на самой справе гэта каларыйны прадукт, і яго залішняе ўжыванне толькі павялічвае выпрацоўку цяпла.
4. Цалкам выключыце з рацыёну алкаголь, гэта тычыцца слабаалкагольных напояў і піва. Алкагольнае ап'яненне цяжэй пераносіцца ў спякоту. Халоднае піва зусім не астуджае арганізм, а толькі прыводзіць да ап'янення. Пры гэтым усе алкагольныя напоі валодаюць высокай энергетычнай каштоўнасцю, і з імі ў арганізм трапляе дадатковае цяпло.
5. З напояў лепш за ўсё падыдзе звычайная кіпячоная, але нехалодная вада. Калі няма супрацьпаказанняў, можна піць мінеральную ваду. Не варта захапляцца салодкімі газаваныя напоі і сокамі прамысловай вытворчасці - у іх вельмі шмат цукру. Лепш прыгатаваць несалодкі чай з мятай, кампот або морс з свежых садавіны і ягад.

Як павялічыць цеплааддачу?

1. Асноўнае значэнне мае правільна падабраная вопратка і абутак. Яна павінна быць светлага колеру толькі з натуральных тканін, вольнага крою, без рамянёў. У сонечнае надвор'е пажаданы лёгкія галаўныя ўборы і сонцаахоўныя акуляры. Абутак павінен быць таксама толькі з натуральных матэрыялаў, свабодны, без высокіх абцасаў.
2. Калі ёсць магчымасць часцей прымайце душ, мыйце твар, рукі і ногі прахалоднай вадой.
3. Адмоўцеся ад залішняга макіяжу.
4. Дома развешвайце вільготныя ручнікі, прасціны, закрыйце шторамi вокны, часцей правадзіце вільготную ўборку. Вокны, балконы лепш зачыніць з раніцы, да наступу спякоты.
5. Не захапляйцеся залішнім астуджэннем, не ўладкоўвайце скразнякі, не піце ледзяныя напоі і не прымайце халодны душ. Застудзіцца можна і летам. Асцярожна з кандыцыянерам!

У выпадку перагравання або цеплавога ўдару пацярпелага варта перанесці ў прахалоднае месца, расшпіліць вопратку, даць прахалодную ваду, астуджаць адкрытыя ўчасткі цела. У больш цяжкіх выпадках і пры страце прытомнасці неабходна выклікаць «хуткую дапамогу».

Гарачае надвор'е лягчэй пераносяць загартаваныя здаровыя людзі. Таму здаровы лад жыцця, падтрыманне аптымальнай вагі, рэгулярныя фізічныя нагрузкі, гартаванне дапамогуць перанесці без шкоды для здароўя, як зімовую сцюжу, так і летнюю спякоту.

Гарачыня і дзеці. Парады бацькам.

Бацькі памятаеце, калі горача вам, то горача і дзіцяці! У дзяцей, асабліва маленькіх, сістэма тэрмарэгуляцыі яшчэ не сфармавалася, таму яны вельмі хутка пераграваюцца.

1. У гарачае надвор'е гуляйце з дзецьмі толькі ў ранішні ці вячэрні час, старайцеся пазбягаць прамых сонечных прамянёў.
2. Па магчымасці выключыце паездкі з дзецьмі як у асабістым, так і ў грамадскім транспарце. Не пакідайце дзяцей у машыне адных нават на кароткі час.
3. Асцярожна з кандыцыянерамі і скразнякамі! Лепш стварыць прахалоду дома падручнымі сродкамі (вільготныя прасціны, ручнікі, закрыванне вокнаў).
4. Адзенне - лёгкае, прасторнае, з натуральных тканін. Хлопчыкам - лёгкія шорты, а дзяўчынкам - сукенкі, а не легінсы, і тым больш джынсы.
5. Абутак - адкрыты з натуральных матэрыялаў. Бацькі! Не абувайце ў спякотнае надвор'е дзецям красоўкі і закрыты абутак з тэкстылю. Гэтая тканіна штучная, а ў спалучэнні з гумовай падэшвай у спякотнае надвор'е ў такiм абутку пераграваюцца ногі.
6. Галаўны ўбор абавязковы ў сонечнае надвор'е. Але гэта павінна быць лёгкая панамка, а не бейсболка з шчыльнай тканіны, якую бацькі часта не здымаюць нават у душным і гарачым грамадскім транспарце.
7. Не давайце дзецям наогул, а ў спякоту тым больш салёную і салодкую ежу, асабліва чыпсы, кандытарскія вырабы, салодкія напоі. Для здаволення смагі - лепш за ўсё звычайная вада пакаёвай тэмпературы.
8. Выкарыстоўвайце сонцаахоўныя крэмы і рэпеленты, але толькі прызначаныя для дзяцей.

Галоўны ўрач ДУ «Чэрвеньскі РЦГiЭ» Наталля Свядыш, 2021 г.