У ініцыятыўную групу праекта ўвайшлі спецыялісты кадравых служб Чэрвеньскага раённага цэнтра гігіены і эпідэміялогіі Святлана Васінцава і УП «Чэрвеньская ЖКГ» Ірына Шашок. Удзельнікамі першага этапу сталі спецыяліст Чэрвеньскага раённага цэнтра па забеспячэнні дзейнасці бюджэтных арганізацый Лізавета Амуару і спецыяліст Чэрвеньскага прадпрыемства меліярацыйных сістэм Кацярына Лучына.
Праект прадугледжвае паэтапную перадачу практычнага вопыту больш кваліфікаваных і вопытных спецыялістаў моладзі. Кожны яго ўдзельнік павысіць узровень прафесійных ведаў і набудзе неабходныя практычныя навыкі.
Праект разлічаны на пяць гадоў. Ён рэалізоўваецца спецыялістамі ўпраўлення па працы, занятасці і сацыяльнай абароны райвыканкама разам з раённым аб'яднаннем прафсаюзаў пад кантролем камітэта па працы, занятасці і сацыяльнай абароне Мінскага аблвыканкама. Усяго праектам плануецца ахапіць каля пяцідзесяці чалавек. Гэта дапаможа знізіць колькасць парушэнняў заканадаўства аб працы і зваротаў грамадзян у арганізацыях раёна.
Людміла ДЗЯДЗЮК, намеснік начальніка ўпраўлення па працы, занятасці і сацыяльнай абароне Чэрвеньскага райвыканкама
Карта сайта