Чэрвеньскі раённы выканаўчы камітэт

На прадпрыемствах, у месцах масавага знаходжання людзей дрэнная сістэма кантролю і адсутнасць або непрацаздольнасць сігналізацыі прыводзіць да прычынення шкоды жыццю і здароўю людзей, каласальнай шкоды маёмасці або ўсяму будынку ў цэлым.

Асноўным прынцыпам абароны з'яўляецца хуткае і своечасовае апавяшчэнне аб пажары і аператыўнае прыняцце мер па яго ліквідацыі. Тут на першы план выходзяць тэхнічныя сродкі папярэджання аб пажары. Адным з такіх сродкаў з'яўляецца сістэма пажарнай сігналізацыі, якая прызначана для своечасовага выяўлення пажару, фарміравання, збору, апрацоўкі, рэгістрацыі і перадачы інфармацыі аб пажары, выдачы сігналу на кіраванне тэхнічнымі сродкамі супрацьпажарнай абароны і іншым абсталяваннем.

У адпаведнасць з заканадаўствам аб пажарнай бяспецы абсталяванне аб'ектаў устаноўкамі пажарнай аўтаматыкі з'яўляецца абавязковым патрабаваннем для кіраўнікоў суб'ектаў гаспадарання.

Работнікамі інспекцыі нагляду і прафілактыкі Чэрвеньскага РАНС пры правядзенні праверак суб'ектаў гаспадарання раёна ажыццяўляецца маніторынг арганізацый-ліцэнзіятаў, якія ажыццяўляюць тэхнічнае абслугоўванне сістэм пажарнай сігналізацыі. Асноўная мэта, якую пераследуюць ратавальнікі - дапамога кіраўнікам суб'ектаў гаспадарання па падтрыманні ў спраўным і працаздольным стане сістэм пажарнай сігналізацыі.

Пры абследаванні аб'ектаў звяртаецца ўвага на:

- наяўнасць дамовы на тэхнічнае абслугоўванне сістэмы з арганізацыяй, якая мае ліцэнзію на правядзенне дадзеных відаў работ;

- спраўнасць сістэмы пажарнай аўтаматыкі і захаванне рэгламентаў работ пры яе абслугоўванні;

- наяўнасць і своечасовае запаўненне тэхнічнай дакументацыі;

- навучанне дзяжурнага персаналу дзеянням у выпадку паступлення сігналу аб пажары (няспраўнасці);

- ажыццяўленне кантролю за працаздольнасцю сістэмы як з боку ліцэнзіятаў, так і суб'ектаў гаспадарання.

За жнівень бягучага года інспектарамі Чэрвеньскага РАНС праведзена 6 маніторынгаў ліцэнзіятаў. На трох аб'ектах выяўлены парушэнні, для ліквідацыі якіх падрыхтаваны і ўручаны рэкамендацыі.

МНС інфармуе, невыкананне патрабаванняў заканадаўства аб пажарнай бяспецы пры эксплуатацыі і тэхнічным абслугоўванні сістэм пажарнай сігналізацыі, а таксама рэалізацыя прадукцыі супрацьпажарнай накіраванасці без сертыфікатаў (дэкларацый) адпаведнасці цягне адміністрацыйную адказнасць.