Навучэнцы мясцовых школ наведалі помнік загінулым у гады Вялікай Айчыннай вайны землякам у вёсцы Шасціснопы. Яны прыбралі прылеглую да манумента тэрыторыю, усклалі кветкі да стэлы і хвілінай маўчання ўшанавалі памяць ахвяр фашызму.
Адметна, што ў велапрабегу ўдзельнічала паралімпійская чэмпіёнка смілаўчанка Людміла Валчок. Пасля вяртання з Шасціснопаў ў актавай зале сярэдняй школы №2 гарадскога пасёлка адбылася сустрэча з ёй. Людміла падзялілася ўражаннямі ад удзелу ў летняй Паралімпіядзе ў Токіа. Яна адзначыла, што асноўныя якасці спартсмена – мужнасць, сіла волі, вялікая праца, імкненне да перамогі і вера ў сябе.
Навучэнцы падарылі Людміле Валчок кветкі і малюнкі з яе выявай, а яна ўручыла дыпломы самым актыўным удзельнікам велапрабегу. На сустрэчы выконвалі турыстычныя і патрыятычныя песні, а напрыканцы зрабілі фота на памяць са знакамітай зямлячкай.
Людміла ДРАПЕЗА, загадчык турысцка-краязнаўчага цэнтра Чэрвеньскага раёна
Карта сайта