Працуючы ў кнігарні, яна скончыла завочна наргас - Інстытут народнай гаспадаркі. Цяпер гэта БДЭУ — Беларускі дзяржаўны эканамічны універсітэт. Пасля ВНУ кар'ера Тамары пайшла ўверх: працавала дырэктарам Хутарскога рознічнага гандлёвага прадпрыемства, намеснікам дырэктара аптова-гандлёвай базы райспажыўсаюза. Яе абіралі старшынёй прафкама, дэпутатам райсавета. За заслугі ў развіцці спажыўкааперацыі Тамару Рыгораўну ў 1981 годзе ўзнагародзілі ордэнам «Знак Пашаны». Таксама ў яе ёсць Знак «Выдатнік савецкай спажывецкай кааперацыі», медалі «За доблесную працу» і «Ветэран працы».
У Тамары Рыгораўны двое дзяцей, тры ўнукі і тры праўнукі. Нягледзячы на ўзрост, які пераваліў за восемдзесят, жанчына садзіць градкі, вырошчвае ўласную бульбу, шмат чытае, глядзіць тэлефізор, цікавіцца навінамі, часта ўспамінае, як у маладосцi ўдзельнічала ў мастацкай самадзейнасці, спявала ў народным хоры «Натальеўск».
У Дзень маці да Тамары Ганчарык з кветкамі і падарункам наведаўся старшыня раённага Савета ветэранаў Іван Ладуцька. Ён павіншаваў жанчыну са святам і пажадаў утульнага цяпла ў сямейным ачагу і міру ў сэрцы, гонару і радасці за дзяцей і ўнукаў, здароўя і доўгіх гадоў жыцця.
Наталля КАРАЛЬКЕВІЧ. Фота аўтара
Карта сайта