Мужчыну затрымалі днём 4 мая ў Мінскім раёне паблізу пасёлка Прывольны на аўтадарозе М4 Мінск-Магілёў. У той момант ён ехаў на аўтамабілі Opel. Пры ператрусе ў затрыманага выявілі і канфіскавалі палімерны пакет з крышталічным рэчывам, якое, згодна з заключэннем экспертаў, аказалася асабліва небяспечным наркатычным сродкам - метадонам масай амаль 10 г, і палімерны пакет з марыхуанай. Дома ў маладога чалавека былі канфіскаваны электронныя шалі з рэшткамі рэчыва белага колеру, палімерныя пакуначкі тыпу Zip Lock і банкаўская плацежная карта.
З матэрыялаў крымінальнай справы вынікае, што абвінавачаны, будучы «мінёрам» інтэрнэт-крамы, набываў партыі асабліва небяспечных наркатычных сродкаў, фасаваў і раскладваў іх у схованкі. Аплату за выкананую працу атрымліваў у бiткоiнах. Падчас допыту мужчына пацвердзіў, што канфіскаваны ў яго метадон ён таксама меў намер расфасаваць і раскласці на тэрыторыі Мiнскага раёна, а марыхуану захоўваў для асабістага спажывання. Упершыню, па яго словах, ён паспрабаваў наркотыкі ў 14 гадоў.
Праваахоўнікі ў ходзе расследавання крымінальнай справы ўсталявалі, што мужчына датычны да здзяйснення яшчэ аднаго злачынства. Пры аглядзе ягонага мабільнага тэлефона ў мэсэнджары выяўлены паведамленні, у якіх ён у 2020 годзе заклікаў да гвалту ў дачыненні да супрацоўнікаў органаў унутраных спраў з выкарыстаннем арматуры і выбуховых прылад. Па заключэнні эксперта, гэтыя выказванні пабуджальнага характару заклікаюць да гвалтоўных дзеянняў.
Па крымінальнай справе дапытаны абвінавачаны і сведкі. Судовыя эксперты ўпраўлення ГКСЭ па Мінскай вобласці правялі шэраг экспертных даследаванняў, заключэнні якіх вывучаны і далучаны да матэрыялаў крымінальнай справы.
Карта сайта