Узнагароду ўручылі на ўрачыстай цырымоніі ў Мінску ў кангрэс-холе дзелавога комплекса «Вікторыя Алімп». У цырымоніі ўдзельнічалі больш за 100 кіраўнікоў прамысловых, будаўнічых і праектных прадпрыемстваў краіны.
Званне пераможцы заводу прысуджана ў намінацыі «Лепшы будаўнічы матэрыял (выраб) года». Завод прадставіў на конкурс прадукт «Масцікі бітумна-латэксныя эмульсійныя дахавыя і гідраізаляцыйныя «Elementum»». На думку журы, гэтыя масцікі адпавядаюць усім устаноўленым на тэрыторыі Беларусі патрабаванням у галіне якасці, валодаюць высокімі фізіка-тэхнічнымі характарыстыкамі і спажывецкімі ўласцівасцямі і адказваюць самым строгім запытам спажыўцоў.
Дырэктар нафтабітумнага завода Аляксандр Храмцоў распавёў, што дадзеныя масцікі прымяняюцца пры будаўніцтве і рамонце будынкаў і збудаванняў для гідраізаляцыі дахаў, падмуркаў, правядзення ўнутраных работ: «іх перавага ў тым, што, па-першае, у складзе адсутнічаюць растваральнікі, па-другое, іх можна наносіць як ручным, так і механізаваным спосабам».
У 2021 годзе масцікі актыўна ўжываліся ў Чэрвеньскім раёне: іх выкарыстоўвалі пры рамонце дзіцячага садка ў Любішына, дахаў шматкватэрных дамоў па вуліцы Мінскай у Чэрвені, у гарадскім пасёлку Смілавічы. Усе адрамантаваныя аб'екты атрымалі станоўчыя водгукі спажыўцоў.
Наталля КАРАЛЬКЕВІЧ. Фота аўтара
Карта сайта