Як распавёў начальнік групы прызыву на ваенную службу ваеннага камісарыята Чэрвеньскага і Бярэзінскага раёнаў Аляксандр Дзюк, першая адпраўка адбылася непасрэдна 25 кастрычніка. Чатыры прызыўнікі з'ехалі ў пятую брыгаду спецыяльнага прызначэння, якая дыслакуецца ў Мар'інай Горцы, і адзін - у вайсковую камендатуру. На працягу тыдня адбылося яшчэ некалькі адгрузак. У аўторак войскі сувязі і навучальныя падраздзяленні Узброеных Сіл папоўніліся чатырма навабранцамі з Чэрвеншчыны. У сераду двое чэрвеньскіх хлопцаў папоўнілі войскі сіл спецыяльных аперацый, яны стануць сапраўднымі дэсантнікамі. У чацвер нашых землякоў сустракала навучальнае падраздзяленне ў Печах.
Падчас кожнай адпраўкі ў ваенкамаце збіраюцца бацькі, сваякі і сябры прызыўнікоў, якія праводзяць хлопцаў. Бацькі і старэйшыя браты даюць пажаданне сумленна выканаць свой абавязак, мамы крадком выціраюць слязінку, сяброўкі абяцаюць чакаць, сябры бадзёра ціснуць руку: «Давай, брат, удачы!» Жадаем усім нашым хлопцам служыць годна, быць прыкладам для аднапалчан і гонарам для бацькоў і землякоў.
Наталля КАРАЛЬКЕВІЧ. Фота Аляксандра Дзюка
Карта сайта