У чацвёртай школе з першага класа прышчапляюць дзецям беражлівыя адносіны да прыроды і навакольнага асяроддзя. «Мэта 99» - навучыць, як правільна абыходзiцца са смеццем. Тут быў зроблены акцэнт на яго паасобны збор. Так як «Мэта» разлічана на дзяцей трэцяга і чацвёртага класа, то, хоць сур'ёзную праблему абмяркоўвалі, але, каб дзецям было цікава, правесці мерапрыемства вырашылі ў гульнявой форме.
Хлопцы з 3 «Б» і 4 «Б» пазнаёміліся з Экабоксікам. Гэты вясёлы і разумны персанаж дапамог школьнікам даведацца, чаму так важна клапаціцца аб прыродзе і правільна ўтылізаваць смецце.
Усе разам дзеці паглядзелі прэзентацыю «Смецце зямлі не да твару». Затым яны падзяліліся на групы, кожная з якіх правяла сваё расследаванне і вылучыла гіпотэзу «Чаму смецце зямлі не да твару». Для замацавання атрыманых ведаў Экабоксік правёў гульню «Сартуем смецце правільна». Дзякуючы «Мэце 99» хлопцы атрымалі веды па экалагічнай культуры. Зараз, гуляючы на канiкулах у дзіцячым парку або ў двары, яны ўжо не будуць смеціць і выкідваць куды патрапіла пластыкавыя бутэлькі, пакеты ад соку і чыпсаў і паперкі ад цукерак.
Наталля КАРАЛЬКЕВІЧ. Фота Валянціны Табалевіч
Карта сайта